對上一星期冇跑過，長課同肌力嚴重不足之下，雖然超時完成 (真係唔抵，差5分鐘咋), 但好滿意自己既表現，如果對比上年，其實仲已經快左10分鐘。。(好自滿。。wahaha)

跑到9.5km開始兩隻膝頭突然痛到標眼淚，拉筋打大肶做齊，但都搞唔掂，唯有行幾步跑幾步。。

入西隧前落大雨，好辛苦，入到去覺得狀況好返d, 試跑返，但好景不常，出左西隧第17km時痛到連行都覺得好痛，幸有物理治療鬆左少少。。但到永安個位又痛過，之後4km行下跑下咁過。。

到最後1km, 其實對腳已經痛到屈唔到，而且落勁大雨，但有沿途路人打氣，好努力一拐一跑到終點。。

多謝沿途為我打氣既咁多位，Sharon, 佳佳同埋Terry見到你地真係好開心，就算唔係好跑到都落力表現得開心俾你地睇。

下一年，要再挑戰半馬，我。要。2小時45分鐘。内。完。成。