今暗仝款是遐爾寒，本來干焦拍算小走一下，閣因為想欲食宵夜（真無簡單已經擋真久攏無食矣），想講就走去阮兜附近較鬧熱的所在（有賣一寡仔食的物件）看一下，等走煞就欲去買，結果走走咧煞閣反悔無想欲破戒，走轉到厝就無閣出門買宵夜。

最後是走5.08km（23分57秒，平均速度4分43秒／km）。

逐工走第1824工。

P.S暗時轉去阮爸母兜食暗，阮母仔提一碗牛肉的泡麵予我，講是別人予伊的，因為in攏無食牛肉，叫我提轉來。逐家臆看覓，我敢有食相片內底這碗泡麵？