Jon Lee : 聽聞今年差啲人手不足搞唔成, 不過當日checkpoint, 補給都做得非常之好, 亦有聽過今次天氣係十幾年來最辛苦嘅一次~ 有補給站除咗水有蛋糕, 朱古力, 香蕉, 橙, 保礦力, 可樂, 仲好過好多更大型嘅比賽!
起步時間可自選6am-10am, 每十五分鐘起步, 完成時間要控制於2pm-4pm, 即係早到都會當你2pm完成。
可惜係有搞事份子喺比賽前改咗一啲指示方向嘅藍點, 好多跑手跑錯, 但如果未跑過或者唔熟路打算參加, 記得要事前先試路, 最好有GPS幫手, 否則比賽當日先找藍點會好易跑錯路同埋浪費好多時間。而且可以揀早啲起步, 畀自己用晒10個小時去完成。限時內完成後5月頭可以去拎獎牌同埋印有自己名嘅T-Shirt, 非常特別!
賽道方面, 雖然上落幅度不及其他山賽而且石屎路居多, 但亦有小段比較崎嶇的泥石路, 雖然大部份都係平路但有些位置上落差非常大, 尤其土地灣上龍脊山腰一段樓梯, 如果前段引水道放得太盡, 好易抽筋。而且六十公里長距離, 對步度控制要非常之小心, 否則後段會極度辛苦!
下年單數年, 方向會跟今年相反, 應該會挑戰多一次。
給 5 星 
3 · 
0