今年比賽前唔夠一星期改道，唔經風景最靚嘅石龍拱，吉慶橋前多走一小圈補數，有啲失望，不過係政府唔批，唔係大會問題。
不過路標唔夠清楚，我所知好多人喺吉慶橋前走錯路，有人走多三公里，可以改進。
今次水站不設紙杯，要帶水樽或杯，做得好，成日覺得飲一啖水用一隻紙杯係一種罪。
今年跑完無pizza放題食，改為有號碼布有一份三文治，一盒魚蛋雞翼腸仔墨魚丸加一盒紙包飲品，遲返終點嘅跑手就唔會無嘢食，不過好多人唔夠食，所以蓮姐好多生意。

件衫太難睇，扣一粒星。