第42屆吐露港渡海泳公開賽 賽後包膠

因為佔中、加上病左幾日，成個星期冇乜做運動，今日至出黎比賽。

原先今年俾一位跑友叫左我一齊參加，加上上年游完維港渡海泳上網聽返黎呢個比賽口碑幾好，所以報名參賽(爭標組)，送既野都幾多、仲要有專車接送，以$70報名費黎講真係叫搞得好好，唯一d水感覺好似污糟過其他地方，而且好易刮傷隻腳。

至於比賽方面，一定唔會係諗住拎獎，呢個比賽一向都係泳界最頂尖果班學生哥黎打獵，連今年某位亞運游泳代表都有比賽，我都係陪游游好自己就算。

比賽過程其實冇乜特別，游到中間冇哂人，又驚游咩左，一路游一路望，到比賽末段，跟住個女仔一齊游，而我最後幾十米放甩左佢，游完上到水過左個終點地墊，聽到d工作人員話「後面呢個係女子組第10名」(全場頭10名有獎) ，我至知原來頭先放甩果個女仔岩岩拎到獎，咁唔知我有冇機會under 40分鐘完賽呢？睇黎要等大會post成績上網至知。